[ներգործական բայ]
1. Մտքով ըմբռնել, հասկանալ, խելամուտ լինել: Այս խառն օրերում ով է իմանում ինչ է կատարվում:
2. Մակաբերել, գիտակցել, գլխի ընկնել: Նա լավ էր իմանում, թե ինչի է ձգտում խոսակիցը:
3. Կողմնակի նշաններից կռահել՝ գուշակել՝ զգալ՝ ճանաչել: Ոտքերիդ ձայնից իմացա, որ դու ես:
4. Համարել, կարծել, ընդունել: Կյանքը միայն ալ խնձոր ես իմանում (Հ. Շիրազ):
5. Տեղեկանալ, տեղյակ դառնալ, տեղեկություն ստանալ: Ի՞նչ նոր բան իմացար:
6. Ճանաչել, ծանոթ լինել, գիտենալ: Ով չի իմանում նրան:
7. Սերտած՝ սովորած լինել, գիտենալ: Այսօրվա դասդ իմանու՞մ ես:
8. Տեսած՝ փորձած՝ զգացած լինել, նախադեպը՝ նմանը ունեցած լինել: Այսպիսի անձրևային եղանակներ Երևանը չի իմացել:
9. Որևէ բանի անհրաժեշտ գիտելիքներ ունենալ, տիրապետել մի բանի: Նա շատ լավ է իմանում գրաբարը:
10. Որևէ կարգի հմտության տիրապետել, կարողանալ անել՝ կատարել մի բան, մի բանի հմտություն՝ վարժություն ունենալ: Այդ արհեստը նա լավ է իմանում:
11. (փոխաբերական) Կողմնորոշվել, ընտրություն կատարել, որոշել՝ վճռել անելիքը: Չիմացավ, սունկը թողնի կրակի վրա, վազի հետևից, թե սունկն էլ հետը տանի (Ա. Բակունց):
12. Զգայել, ընկալել, առնել (հոտի, համի մասին): Անց կենող մարդու հոտը հեռվից են իմանում (Հ. Թումանյան):
13. Գլխի ընկնել, մտաբերել, վերհիշել, հիշել: Հիմա են իմանում, որ երեխա է եղել (Ավ. Իսահակյան):
14. Հաշվի առնել, նկատի ունենալ, գիտենալ, Խոսքն էլ մի սուր է, իմացի՛ր, կարող է խոցել:
15. Վայելել, ճաշակել, տեսնել: Ու ժողովուրդը ամբողջ օր ու արև կիմանա (Ե. Չարենց):
16. Հնարք՝ ելք գտնել: Միրքի ծերը մնացել է ծառի ճեղքում, դես ու դեն է ընկնում ու չի իմանում ոնց հանի (Հ. Թումանյան):
17. Երևան բերել, գտնել, բացահայտել: Հարևանը հետևեց ժլատին և իմացավ, թե որտեղ է տանում գանձը (ժողովրդական առակից):
18. Պատկերացնել, պատկերացում կազմել, գաղափար կազմել: Ներքև ընկավ թե մարդ, թե ձի, նրա օրն Էլ դու իմացի (Հ. Թումանյան):
19. Հրամայական եղանակը - իմացիր(իմացի՛ր), իմացեք(իմացե՛ք), գործածվում է իբրև սպառնական զգուշացման արտահայտություն: Եթե ասածներս չես կատարել, իմացիր, էլ իմ երեսը չգաս:
20. Գործածվում է որպես եղանակավորող բառ՝ խոսակցի ուշադրությունը հրավիրելու նպատակով: Երեկ, իմանու՞մ ես, ում եմ տեսել:

նբ. I. Հասկանալ, ըմբռնել, կռահել, մակաբերել, խելամտել (հնց.), գլխի ընկնել, խելամուտ լինել: || Զգալ, գիտակցել: 2. Լսել, տեղեկանալ, ականջն ընկնել, ական- ջը հասնել, ձայն առնել: 3. Դիտեն ալ, տեղյակ լինել: 4. Համարել, կարծել: 5. ճանաչել:

ացա Знать, узнавать, узнать. ◊ Չլինեմ-չիմանամ ни под каким видом, ни в коем случае. Հենց իմանաս Как будто.