Հարգարժան հայրենակիցներ, ես արդեն 10 տարուց ավել է մշակում եմ իմ երազանքի «Դպրոցի» մոդելը: Սակայն Դպրոց բառը չի համապատասխանում այն նոր կառույցի տեսակին, որը հիմա կառուցում եմ Խուստուփ լեռան Փսկու Խութ բլրի վրա:
Խորը համեստությամբ, գիտակցելով, որ լեզվաբան չեմ, ձեզ եմ խնդրում կարդալ բառի նկարագրությունը: Ձեր մասնագիտական ինձ համար չափազանց կարեւոր է:
- ՀԱՅՑԱԴԻՄՈՒՄ
Հայերենում “Գիտատաճար” նոր բառի գրանցման համար
Այս դիմումով առաջարկում եմ հայերեն լեզվում գրանցել նոր բառ «Գիտատաճար», որը նկարագրում է գիտելիքի յուրահատուկ կենտրոն՝ զուգակցելով գիտության և տաճարի գաղափարները։
Բառի սահմանումը՝ «Գիտատաճար» - շինություն, որը կառուցված է բնության գրկում, հեռու քաղաքային միջավայրից, և ծառայում է գիտելիքի որոնման, ուսումնասիրության ու տարածման նպատակով։ Այն ունի հետևյալ առանձնահատկությունները․
- Կառուցված է մարդու կողմից՝ բնական միջավայրում՝ քաղաքակրթությունից հեռու։
- Ունի գեոդեզիկ գմբեթի ճարտարապետական համակարգ։
- Աշխատում է ավտոնոմ համակարգերով, ապահովելով ինքնուրույն կենսագործունեություն։
- Լցված է պատկերազարդ հանրագիտարաններով՝ ներառելով նվազագույնը 1000 անուն գիրք, որոնք ընդգրկում են գիտության, արվեստի և մշակույթի լայն շրջանակ։
- Կառույցի ներսում հավերժ հնչում է դասական երաժշտություն, ստեղծելով մտավոր կենտրոնացման մթնոլորտ։
- Ունի հատուկ կանոններ, որոնք նպաստում են անհատի ինքնաճանաչմանը և հասկանալուն, թե ինչն է իրենց հետաքրքրում։
- Գիտատաճարում ուսուցիչներ չկան։
- Գիտատաճարը միջավայր է, որտեղ մարդն իր բնազդներով գտնում է իր հետաքրքրող թեման ինքնուրույն։
Նպատակն ու կարևորությունը՝ «Գիտատաճար» բառն արտահայտում է գիտելիքի հանդեպ պաշտամունքային վերաբերմունքը՝ տալով այնպիսի վայրի սահմանում, որը համադրում է գիտությունն ու հոգևոր խորությունը։ Այս բառի ընդունումը լեզվական և մշակութային տեսանկյունից կխթանի գիտության տարածումը և կխորացնի հայերենում գիտության հետ կապված հասկացությունների զարգացումը։
Հուսով եմ, որ այս առաջարկն ընդունելի կլինի, և «Գիտատաճար» բառը կգրանցվի հայերեն լեզվում։
Հարգանքով,
Հայկ Բարսեղյան
+37493664887
29.03.2025